Incredible nga Indian.. Amazing!!

Duha ka cowboys nakakita ug Indian nga naghapa sa dalan, ang iyang dalunggan naa sa yuta.

Cowboy 1: "Kita ka anang Indian?

Cowboy 2: Oo

Cowboy 1: Tan-awa, nagpaminaw na sya sa yuta. Masulti niya kung unsay naa maski duha pa ka kilometro ang ka-layo.

Pagkaabot nila sa tungod, misulti ang Indian;

Indian: Naay wagon.. Duha ka kilometro ang layo... Naay duha ka kabayo, ang isa puti, ang isa brown..., May lalake.. babae.. bata.. ug mga furniture..

Cowboy 2: Wow! Incredible! Makabalo sya unsa ka layo, pila ka kabayo, unsay color, unsay naa sa wagon. Amazing!

Mihangad sa ila ang Indian.

Indian: Ugh..dili amazing oi... Naligsan ko sa wagon, mga 30 minutos na ang nakalabay...

Si Blonde Girl Na Pud...?

Nakabangga ang isa ka blonde girl ug truck sa iyang pagdalidali. Nasuko kaayo ang driver sa truck. Gipahunong niya ang blonde girl ug gipakanaug sa iyang kotse. Mikuha ang truck driver ug chalk ug nagdrowing ug circle sa dalan. Giingnan si blonde girl nga dili mohawa sa circle.

Sa kasuko, gibuslotan sa truck driver ang ligid sa kotse.

Mikatawa ang blonde girl.

Misamot kalagot ang driver, gibuak niya ang windshield.

Misamot pud ug katawa si blonde girl.

Gibuak sa driver ug hurot ang mga bintana sa kotse.

Nagluha-luha ug katawa si blonde girl.

Natingala ang driver nga wala man jud sya masuko. Nangutana sya kung unsay kataw-anan sa iyang gibuhat..?

Blonde girl giggles and replies, "Katong wala ka nagtan-aw, migawas ko sa circle noh!"

(WHEEeeeeeee!!!)

giduol sa truck driver ang

Dili Diay Siya Bugo..?

One day, habang nag drive ang isa ka blonde girl sa iyang kotse, may naagian syang lain nga blonde girl nga naglingkod sa kasagbotan nga nagbugsay-bugsay nga wala may tubig..

Sa iyang kalagot, nanaug sya sa iyang kotse ug gisinggitan ang babae:

"Nag-unsa ka man diha nga mora man ka ug tanga?" Sa ginabuhat nimo nga ing-ana mao nga maingnan na lang ta nga mga blonde ug 'mga bugo!' Nah! kung kabalo lang ko molangoy, sipaon ta jud ka!"

Power si Lola

Naay mag-lola nga miadto sa beach. Habang nagtan-aw ang lola sa iyang apo nga nagduladula sa baybay, may daku nga balod nga miabot nga nagdala sa bata palayo ngadto sa dagat. Naghilak ang lola nga nag-ampo:

"Ginoo, luwasa intawon akong apo, malooy Ka."

Naa na pud miabot nga dakung balud, ug dala ang bata pabalik sa baybay nga mora lang ug walay nahitabo.

Mihangad ang lola sa langit; "Ginoo, naa man to siya'y kalo nga gisul-ob kaganina.."

( ah hehe.. palag pa jud si lola)

Beer mo diha, Bay!

Si Pitoy ug si Timoy nag-fishing sa sapa.. Si Timoy nakakubit ug bote nga may sulod diay nga genie. Gihatagan sila sa genie ug isa ka wish aron i-grant niya.

Timoy: "Himoang beer ning sapa!

Poof! Nahimong beer ang sapa!

Timoy: O ha? unsay masulti nimo, ayos di ba?

Pitoy: Tanga jud ka kaayo, Bay, uy! Unya, unsa man, sa bangka na ta mangihi ani karon!!?

Math.. carry mo..?

Manong nga nagatinda ug isaw ug ang student:

Manong: Pila ka buok ang imo?

Student: 3x5 where x=6

Manong: So, 13 bale. Barato lang. 5sin90 ang isa.

Student: Ummm..paki-convert ra gud using arc tangent.

Manong: Ay di nako kaya.. tangent na lang. 5tan45.
Kung gusto nimo apply na lang ug reduction formula.

Student: Ay, okey na, Nong. Nia ra ang bayad. (xA2-4x+3)/sin3x
where x=7. Keep the change!

(Ngeh! Kung ingon ani ka-useful ang math, ingon a among silingan, mas maayo pa daw nga maghikog na lang! hehehe..ikaw, carry mo?)

Ang Bana.. Bow!

Nagyawyaw ang asawa kay tulo na ka adlaw nga wala naka-uli iyang bana pagkahuman sya mag sweldo.

Asawa: Doy, nanganad na man ka nga abtan pa ug pila ka adlaw usa ka makahatag sa imong sweldo! Karon gani tulo ka adlaw ka nga wal mouli!! Ahhh di na jud na maayo, Doy! Unsa kaha kung ako ang di nimo makita sa sulod sa tulo ka adlaw ha?!!!

Hilom nga nagbagotbot ang bana. 'Maayo pa seguro nga di nako sya makita ug pila ka adlaw.. kalipay ra jud nako ay...'

Tuod man, anang pagka-Lunes, wala niya makita iyang asawa..

Pagka- Martes, wala gihapon niya makita iyang asawa.

Hasta na pagka Miyerkules, wala gihapon niya makita iyang asawa...

Pagka- Huwebes, medyo makita na niya gamay iyang asawa, sa may too niya nga mata, kay medyo mikuyos-kuyos na man ang hubag..

(Hehehe... na-blackeye diay si manoy)

Ang Asawa... Bow.

Giubanan sa asawa ang iyang bana magpakonsulta sa doctor.

Pagkahuman sa check-up, gitawag sa doctor ang asawa paadto sa office.
Doctor: "Ang imong bana kay may grabe nga 'stress disorder'. Kung dili nimo tumanon akong mga instructions, mamatay ang imong bana.

Kada buntag, udto, ug hapon, andaman nimo siya ug healthy breakfast. Hatagan jud nimo siya kanunay ug maayong pagtagad.

Ayaw sya hatagi ug bug-at nga buluhaton sa balay. Ayaw i-discuss imong mga problema sa iya kay aron dili madugangan ang iyang stress. Ayaw pagsige ug yawyaw. Ug ang pinaka-importante, make love to him regularly.

Kung mabuhat ni nimo for the next 10 months, makaseguro ka nga nga mobalik jud ang iyang maayong panglawas."

Pagpanguli nila sa balay, gipangutana sa bana ang iyang asawa:

Bana: Day, unsa may sulti sa doctor?
Asawa: Mamatay na daw ka.

Ang Sikreto

Naay mag-asawa nga ilado kaayo sa ilang lugar tungod sa ilang harmonious relationship. Sa ilang taas nga edad, wala jud sila nadunggi nga nag-away o naglalisay man lang. Maayo jud sila nga role model mao nga may mga interesado nga mahibaloan ang sikreto sa ilang maayo nga relasyon.

Reporter: Sir, pwede ba isulti nimo sa amoa kung unsa jud inyong sikreto?

Mister: Sure. Ani man gud ni: Nagsugod ang among maayong pagtinagdanay gikan pa jud sa bag-ong kasal pa mi. Miadto mi sa Baguio para sa among honeymoon. Namasyal mi. Mi-arkila mi ug isa ka kabayo. Tungod lagi kay dili man maayo ang dalan sa among gi-adtoan pirmi intawon mapandol ang kabayo, usahay mapaluhod pa. Sa unang pagka-pandol sa kabayo, nadungog nako akong misis miingon, "isa!!" Sa ikaduhang pagkapandol, miingon siya, "duha!!" Sa ikatolong pagkapandol sa kabayo, mikuha siya sa iyang pusil, ug gipusil ang kabayo.

Syempre nakuratan ko! Gikasab-an nako sya ngano gipusil niya ang kabayo nga wala man to'y sala. Gitubag ko niya ug, "isa!!"

Mao 'to ang sugod nga wala na jud mi lalis o away.

(hehehe..dapat lang. Ngita ka pa'g ikaduha? Bawal mangutana kung asa gikan ang pusil ha)

Aw, Mao diay..

Upat ka trabahante sa construction namahulay na aron mangaon sa ilang ba-on nga pamahaw.

Trabahante 1: Unsa man ni uy, mongos na pud! Adlaw adlaw ingon ani na lang akong ba-on! Gisum-olan na man ko aning sige lang ug mongos uy! Ugma, kung mao pa gani ni akong balon, moambak jud ko aning building ay!

Trabahante 2: Kining akong ba-on, bulad na sab!! Hayy nagsawa na ko ani uy. Adlaw adlaw na lang! Ugma kung mao gihapon ni akong baon, moambak pud ko sa building!!

Trabahante 3: Ang akong baon pud kay inun-unan na pud! Moapil jud ko ug ambak ugma kung mao gihapon ni ang akong ma-abrihan!!

Trabahante 4: Kahilakon na pud na pud gani ko sa akong ba-on ,Bai, kay sardinas na pud!!

Hasta pud ko moapil ug ambak kung kini gihapon akong makit-an ugma!!

Pagkaugma tuod, iyahay na sila ug abre sa ilang baonan. Mao lang tuod gihapon ang sulod .

Isa- isa silang miambak sa building, sa ilang kalagot.

Miabot ang ilang mga asawa pagkahibalo sa nahitabo sa ilang mga bana. Nanghilak ug nagdangoyngoy... Nagbasul ngano nga wala magsulti ang ilang mga bana nga gisumhan na diay sila sa ilang mga ba-on. Unta nalutuan sila ug lain. Wla unta ni mahitabo sa ila..?

Napansin sa mga asawa ni T1, T2, ug T3 nga morag nasuko man hinoon ang asawa ni T4. Morag walay pagbasul sa nahitabo. Dungan nilang gitan-aw si Mrs T4--

Mrs T4: Huh? Ayaw ko ninyo tan-awa ug ingon ana. Wala baya koy sala. Siya jud ang naga-andam sa iyang ba-on kada buntag noh!!

(a heheehe..)

Say Whaaaaat?

Pitoy: Dok, na-worry lage ko sa akong asawa uy. Morag di na man maayo ang iyang pandungog kay kinahanglan pa man akong balik-balikon ang bisan unsay akong mga isulti sa iya..

Doktor: Mao ba? Mas maayo seguro nga atong mahibal-an kung unsa na ka grabe ang iyang problema sa pandungog;

Inig-uli nimo sa balay, mga 10 meters pa lang, tawaga na imong asawa. Kung di sya motubag, paduol na pud sa iya ug mga 5meters. Kung dili pa jud sya motubag, paduol na pud ug 3meters. Kung di pa jud motubag, anha na sa iyang likod ug mangutana.

Miuli si Pitoy nga gisulayan ang sulti sa doktor. 10meters pa lang mitawag na sya sa iyang asawa:

Hon, unsa'y atong sud-an..? Walay tubag nga nadungog. So, 5meters na, mitawag na pud sya..

Hon, unsa'y atong sud-an..? Wala gihapo'y tubag nga nadungog. So, nagpaduol ug 3meters...

Hon, unsa'y atong sud-an? Wala gihapo'y tubag.. So miduol na jud sya sa luyo sa iyang misis.

Hon, unsa'y atong sud-an..?

Misis: Pagka-kapoy ba nimong tawhana ka! Maka-pila nako mitubag sa imo nga ang atong sud-an inun-unan, nganong di man ka makasabot?!!!

Ayayayayayayaaayyyyyy!!

2020/Vision Daw Si Kuya O

Asawa: O, Honey, kumusta man imong pagdula ug golf?

Pitoy: Maayo man, kaya lang di na man nako makita asa padulong ang bola uy..

Asawa: Honey, 75 years old na gud ka

Mas maayo pa nga dalhon nimo si Kuya Timoy.

Pitoy: Darling, 85 years old na si Kuya di ba?

Asawa: Pero 20/20 man pud iyang vision.

Na-realized ni Pitoy nga tama ang iyang asawa. The next day, iyang giuban ang iyang bayaw nga si Timoy sa golf course.

Pitoy: (Human mopalo sa bola) O, Kuya Timoy, nakita nimo asa padulong ang bola?

Timoy: Syempre uy!

Pitoy: Unya asa man dapit mitugpa ang bola?

Timoy: (Nag-isip...) Ummm.. nakalimot ko...

Ngeh!

Cobi's Show

An Unforgettable Funny Moments with Cobi

At 3years old maka-spell na si Cobi, pero dili pa sya makabasa.

Here are some funny moments with him..

Looking at a bottle of a popular energy drink nga

may logo :

Gi- spell nya: C-O-B-R-A

Gibasa nya: Snake!!!

-------------------------------------------------------------------

Gitan-aw niya ang 90g gram nga kape nga iyang gigunitan:

Gi-spell nya: N-E-S-C-A-F-E

Gibasa nya: 3 in 1 !!

(Kay mao man ang iyang madungog nga itawag sa kape kung naay sugoon pagpalit sa tindahan, hehehe ..)

--------------------------------------------------------------------

During a Recognition Day of one of Cobi's cousins , the names of the

graduates' class sections are posted at the back of each row of chairs.

Gi-spell ni Cobi ang isa ka row:

Gi-spell nya: S A G I T T A R I U S

Gibasa nya: Bangko!!

Mipalag ang isa ka girl classmate nga naminaw,

Classmate: Hindi man yan "bangko"

Cobi: Unsa diay?

Classmate: "Chair" man 'yan!

O, well...

--------------------------------------------------------------------------

Nakita ni Cobi ang pangalan sa isa sa popular brand sa shirt nga

gisuot sa isa sa barkada sa iyang mama:

Gi-spell nya: O-X-Y-G-E-N

Gibasa nya: T shirt!

-------------------------------------------------------------------

While malling sa SM Davao, gina-spell niya ang iyang mga

makita to the delight of the sales ladies. One lady dared him to

spell a brand of slippers.

Gi-spell nya: I-S-L-A-N-D-E-R

Gibasa nya: Tsinelas!!

O ha?

----------------------------------------------------------------------------

Sa nauso pa si Kapitan Inggo sa iyang time, he would run around nga naay tuwalya or any tela nga nakahigot sa iyang liog representing Kapitan Inggo's cape.

Gipangutana nako sya: Kinsa imo favorite?

Cobi: Si Kapitan Inggo!

Me : Ay, bolingit man na sya. Payatot pa jud.

Cobi: (Looking confused..) Sige, si Batman na lang

Me : Ay, ganahan ka kang Batman? Mora man na sya ug ungo kay pirmi lang man na sya sa ngitngit di ba?

Now looking more confused.. Padayon lang gihapon sya ug dagan dagan, ikot ikot. Finally naundang sya ug dagan and faced me..

Cobi: Di na lang ko si Batman uy..

Me : Kinsa diay ka?

Cobi: Ako "Dog"! (sabay kamang unya ambak ambak imitating a dog.)

Hehehehe... na-demote.

1

Ahente: Sir, 'tong bag-ong supermarket nga gi-deliveran nato, nagsara na.

Boss: Ha??? Binuang! P1Million gibutang nako didto nga stocks! Ngano daw nagsara?

Ahente: Kay gabii na. Ugma pa sila mag-open.

------------------------------------------------------------------------------------

2

Digoy: 100years old na daw imong lolo?

Tinood ba nga dili sya manigarilyo, dili moinom, dili mosugal, ug dili mang-"chicks"?

Pitoy: Oo

Digoy: Wow! Unsay sikreto niya?

Pitoy: Walay kwarta.

----------------------------------------------------------------------------------

3

Hubog: Kinsa'y isog diha, gawas!!

Isog: Ako! Ngano sukol ka??

Hubog: Aw, kuan... ihatud ko sa balay beh, ngitngit man gud. Basin naay wakwak. Please, duol ra bitaw...

-------------------------------------------------------------------------------

4

Pitoy: Bay, naay penguin diri sa Pilipinas?

Digoy: Wala tawon, Bay.

Pitoy: Nah! madre diay tong akong naligsan...?

------------------------------------------------------------------------------

5

Misis: Naunsa man ka, dear, perti man nimong hugawa, unya nanimaho pa jud!

Mister: Nakakita ka anang gamay nga imburnal sa may kanto?

Misis: Oo.

Mister: Pwes, ako wala!!

------------------------------------------------------------------------------------

6

Teacher:

Class, duna koy nakita sa inyo nga misulod sa klase nga gisi ang school uniform!! Sa sunod dili ko gusto makakita ug isa sa inyo ana ha?

Class, sa sunod gani nga makakita pa ko ug isa sa inyo nga magsuot ug gisi nga uniporme ako jud gision!! Dali ra man na ba. Hangyoon gud ninyo inyong parents nga atimanon inyong uniporme..

Class, unsa'y dapat buhaton sa gisi nga uniform?

Mga Estudyante: (Nagdungan) Gision!!!!!!!

-------------------------------------------------------------------------------------------------